Interview Shanty

Work at home mom Shanty
(moeder van een zoontje van 8 maanden)

1. Kua ta bo situashon aktual?
Mi ta un stay at home full time working mom na e momentunan aki. (work at home mom)

2. Kiko tbt e motibu pa bo eskoho?
Na final di mi maternity leave, nos tabata den e situashon di Covid, kaminda a stimula trahamentu for di kas mas tantu posibel. Mi a tuma e oportunidat aki ku man hanchu habri, pa mi por pasa mas tempu ku mi baby i tambe eksperensia su kresementu. Nos ta den mesun situashon ahinda i lo mi no skohe otro

3. Kon bo ta eksperensia esaki?
Mi tin un bon eksperensia ku esaki. Tabata importante p’ami pa komunika ku mi trabou ku mi mes ta kuida mi baby dus tin algun dia ku mi werkurennan ta mas fleksibel. Den momentunan ku e baby mester di atenshon i ami tin di focus pa kaba mi trabounan, mi mama ta willing pa duna un man i asisti mi ku e baby.

4. Kua eskoho of kombinashon di eskoho pabo lo ta ideal? 
Ideal pa aworaki ta e situashon manera e ta na momentunan aki. Den futuro nos lo por konsidera mande un opvang pa por ehempel 2 biaha pa siman mitar dia pa e tin kontakto ku mas mucha pero pa aworaki lo e ta na kas ku ami.

5. Kiko pa bo ta e bentahanan di laga bo yu serka bo na kas?
Mi ta eksperensia su kresementu, mi a krea un “bond” mas será ku mi baby, kumpli ku su nesesidatnan, mi yu por ta den su propio ambiente, mi por sigui duna pechu regularmente kual ta stimula mi produkshon, mi por dune atenshon ora e tin mester (basta ku esaki no ta kita mi focus riba mi trabou ora ku echt mester) 

6. Kiko pa bo ta e desbentahanan?
Manera e kaso ta na es momentunan aki, mi ta konsidera e desbentahanan minimal i e benefisionan ta surpasa e desbentahanan. Algun ehempel ta ku e baby tin menos kontakto ku otro hende, of mi tin menos tempu pami mes dor ku e ta ku mi henter dia. Tin biaha un mama ke ta su so i tin me-time.