Regreso pa skol




Un aña eskolar nobo ta bai kuminsá. Mayornan i muchanan ta hasi e preparashonnan nesesario pa

kuminsá skol. Mayor inklui e yu den e proseso, pa esaki bira di dj'é i lo yudé pa e por kuida e material

mas mihó. Aki algun teps pa yuda ku e preparashonnan aki.


2 siman promé

  1. Pasa dor di e pañanan i material di e aña anterior pa wak kiko tur por usa atrobe. Ta yuda tene e kostonan abou i ta siña e yu e balor di material/balorá su material di skol. 

  2. Traha un lista kiko tur mester kumpra pa e aña eskolar nobo (unifòrm, mea, faha, kèts, material pa skol (lista di skol, etui, schrift, pen, kleurpotloden, stiften, gum, agenda,) Tira bista unda tin baratio pa yuda bo tene e kostonan abou. 

  3. Plania ki dia ta bai kumpra material i paña pa e aña eskolar nobo. Dor di plania esaki por bai na e luganan dirigí, kual ta yuda bo spar tempu i hasi e kompras mas efektivo. Sali trempan, teniendo kuenta ku  ta bira kalor durante dia. Repartí e luganan pa bai den un par di dia, asina ku e trepnan no ta bira muchu largu. E preparashonnan pa kuminsa un aña eskolar nobo, ta un dushi ekspektativa pa e yu. 

  4. Buska aktividat pa despues di skol (deporte òf otro aktividat). Buska ku bo yu kua ta e aktividatnan ku e lo ke hasi despues di skol, sea si ta deporte òf aktivdat di despues di skol (naschoolse opvang).

  5. Kuminsá trese rutinanan di dia pa fasilitá e proseso pa kuminsa skol bek. Rutina por ehèmpel di mainta òf promé ku bai drumi. Kuminsá bai drumi trempan, asina ku e yu por sosega sufisiente i por lanta fit mainta trempan.  

  6. Traha plan di emergensia. Ta bon pa e yu sa mínimo un number di e pèrsona ku skol por bèl na momentu ku tin un emergensia. Palabrá ku bo pareha ken e pèrsona aki lo bai ta. Ta bon pa e yu sa su nòmber kompletu, nòmber di mayor i su adrès. 

  7. Si ta un skol nobo, mustra e yu e skol nobo. Ta fasilitá e transito di un kambio grandi.



1 siman promé

  1. Kòmbersá ku e yu tokante skol. Kuminsá prepará e yu pa skol, dor di kòmbersa kun’é tokante skol. Pone metanan huntu ku e lo ke kumpli pa e aña eskolar binidero.  

  2. Skibi nòmber di e yu riba su materialnan. 

  3. Laba material i pone kla. Si ta material nobo, mester desinfektá esaki. Kòrda ku e material tin kímiko ku por ta dañiño pa nos salú. 

  4. Hiba e yu pa pela of peña pa e por kuminsá e aña eskolar bunita. 

  5. Un of dos anochi promé ku promé dia di skol, laba tur material i, prepará e materialnan pa skol huntu ku bo yu(nan) i hinka tur kos den tas di skol.

  6. Palabra ken ta baha e yu mainta na skol i ken ta buska e yu for di skol. No ta dushi pa un mucha mester keda para warda largu despues di skol pa un hende bin busk’é. Un mucha mester di palabrashon konkreto pa e por tene na dj’é.


Anochi promé

  1. Drecha tas. Esaki por lanta e entusiasmo pa e dia grandi di promé dia di skol. 

  2. Pone unifòrm i sobrá kla. Plania un desayuno dushi òf prepará un sorpresa pa bo yu pa e habri e siguiente dia aregre.

  3. Bisa e yu ken ta bai hib’é i busk’é mañan na skol. 

  4. Pone alarma. Kòrda semper pone e alarma ku sufisiente tempu, asina ku no mester hansha mainta trempan. Mas trankil hasi, mas relahá e yu bai skol. 

  5. Bai drumi trempan. Un bon sosiego ta yuda pa ku e energia i ánimo pa e gran dia di promé dia di skol. 


Promé dia di skol

  1. Mayor lanta ku smak i energia, ya energia positivo ta pasa pa bo yu!

  2. Duna bo yu e sorpresa ku bo a prepará p’e, òf disfruta di e dushi desayuno ku boso a palabra. Ta yuda pa ku e animo di e yu pa bai e gran dia di promé dia di skol. 

  3. Saka potrèt di e yu pa su promé dia di skol. Si akaso ke post esaki riba media sosial, por fabor tene kuenta ku e privasidat di e yu pa su mes protekshon. (tapa su kara i logo di su skol)

  4. Sali kas na ora, pa e mucha(nan) por yega skol trempan! (por lo menos 15 min promé). Kòrda riba e tráfiko di e promé dia di skol.

  5. Na momentu di yama ayó, tene kòrtiku. Despedida semper ta ferfelu. Mas largu e dura, mas difisil e ta pa e yu. E yu tambe ta dependé di kon un mayor ta reakshoná, pa e motibu aki mayor purba tene e largimanan aden i ser fuerte pa bo yu. Esaki lo yuda e pa despedí na porta di skol.

  6. Tene e siman trankil ku aktividat. E promé siman na skol ta un siman ku hopi impreshon nobo, un siman di hopi kambio. Pesei fuera di skol, purba tene e skema trankil pa e yu por kustumbra ku tur loke ta pasa rondo di dj’é. 

Reacties

Een reactie posten

Populaire posts van deze blog

Interview Shanty

Afbeelding
Work at home mom Shanty (moeder van een zoontje van 8 maanden) 1. Kua ta bo situashon aktual? Mi ta un stay at home full time working mom na e momentunan aki. (work at home mom) 2. Kiko tbt e motibu pa bo eskoho? Na final di mi maternity leave, nos tabata den e situashon di Covid, kaminda a stimula trahamentu for di kas mas tantu posibel. Mi a tuma e oportunidat aki ku man hanchu habri, pa mi por pasa mas tempu ku mi baby i tambe eksperensia su kresementu. Nos ta den mesun situashon ahinda i lo mi no skohe otro 3. Kon bo ta eksperensia esaki? Mi tin un bon eksperensia ku esaki. Tabata importante p’ami pa komunika ku mi trabou ku mi mes ta kuida mi baby dus tin algun dia ku mi werkurennan ta mas fleksibel. Den momentunan ku e baby mester di atenshon i ami tin di focus pa kaba mi trabounan, mi mama ta willing pa duna un man i asisti mi ku e baby. 4. Kua eskoho of kombinashon di eskoho pabo lo ta ideal?  Ideal pa aworaki ta e situashon manera e ta na momentunan aki. Den futuro nos...
Meer lezen

Interview Deborah

Afbeelding
Full time working mom Deborah (moeder van 3 dochters 10, 7 en 5 jaar) 1. Kua ta bo situashon aktual? Kids ta bai opvang. 2. Kiko tbt e motibu pa bo eskoho? Rekomendashonnaan di otro mamanan of konosínan. 3. For di kuantu luna e ta bai esaki? Nan a kuminsa bai e opvang aktual, resién. Pero for di baby (esun mas grandi ku 1 aña, e di dos i e último ku 4 luna) nan a kuminsa bai opvang. 4. Kon bo ta eksperensia esaki? E eksperiensia ta bon. Tin opvang mas mihó ku otro. Pero en general bon. 5. Kua eskoho of kombinashon di eskoho pabo lo ta ideal? Mi eskoho lo keda opvang. Komo mayor bo por stèns riba e opvang. Vooral si por komunika ku nan via di app por ehèmpel. 6. Kiko pa bo ta e bentahanan di laga bo yu bai opvang? Bo por stèns, 99%, riba nan sevisio. Nan ta konsistente 99%. Si tin algu, nan ta laga sa mesora. Huiswerkbegeleiding! Esaki ta algu ku ta kita hopi peso for di nos (komo mayor) su schouder! 7. Kiko pa bo ta e desbentahanan? Atardi ora di buska e muchanan, nan no ke ba...
Meer lezen