Interview Amanda

 
Enterpreneurial mom Amanda
(moeder van een zoontje van 9 maanden)

1. Kua ta bo situashon aktual?
Un kombinashon di Stay-at-Home mom, Work-at-home mom i parttime working mom. Mi ta un enterpreneurial mom ku ta purbando na pick up e trabou awor despues di e situashon ferfelu ku COVID-19 a trese kun’e. Aparte di esaki mi a skohe konsiente pa laga mi yu bai opvang 5 dia pa siman mitar dia.

2. Kiko tbt e motibu pa bo eskoho?
Pa krea un tiki stabilidat pa baby i ala bes duna baby e espasio pa desaroyá sum es i por hunga i enterkambia ku otro muchanan.

Ami i mi pareha ta traha riba nos mes (entrepreneurs). Dor di e situashon di COVID-19 mi a haña mi obligá pa sera mi ‘opvang’. Dor di esaki mi a bira un ‘Stay-At-Home mom’. Pero mi ta admití ku mi ta un hende ku ta gusta traha (workaholic), mi ta gusta krea aktividat i ta bezig. Por ehèmpel aktualmente mi ta purbando na start ku mi siguiente ‘uitdaging’ kual ta Mayor Informá, kual ta hasi mi un work-at-home mom i aki aya mi ta yuda ku diferente projekto kual tòg ta hasi mi un part-time mom.  

3. For di kuantu luna e ta bai esaki?
For di su di 6 luna 

4. Kon bo ta eksperensia esaki?
Hopi hopi hopi dushi. Parti mainta mi ta haña e espasio pa traha, limpia kas òf hasi algu pa mi mes. I merdia mi ta dedika mi tempu ku baby. Pa ami e eskoho ta duna un balansa, paso mi no por keda henter dia bezig ku baby. Mi ta sinti mi limitá (no por traha i ta sinti mi inutil) i esaki ta lanta iritashon den mi i por laga mi sinti mi asta deprimí. I ku konsekuensia ku mi por trata baby ku beis. I esaki mi no ke, paso e no tin falta di nada.

Un bentaha mas di e situashon aktual ta ku te ainda mi por duna borstvoeding! Esaki pa mi ta hopi importante i ta apresia esaki. 

5. Kua eskoho of kombinashon di eskoho pabo lo ta ideal? ( por tmb algu di futuro)
Mi eskoho aktual di laga baby bai opvang mitar dia ta ideal. Si lo mi por a kaba di kombiné ku laga baby bai pasa tempu ku famia, lo tabata awesome!!! Pero tin ora mi ta sinti manera si mi lag’e bai serka famia kada bia ku mi ta pusha mi yu for di mi mes. Eigenlijk mi no ke hende pensa asina. Paso no ta esei te intenshon, e intenshon ta pa baby haña un band ku su famianan.

6. Kiko pa bo ta e bentahanan di laga bo yu bai opvang?
E bentaha ta ku mi baby tin hopi energia i no ta gusta drumi. Esaki ta pone un peso extra riba mi, paso kasi no tin ‘rustmoment’ of momentu pa hasi otro kosnan den kas. Esaki ta pone tambe ku mi ta sinti mi obligá di ta bezig ku baby. Esaki tur ta un proseso ku mi ta struggle kun’e for di prinsipio, pa mi haña un balansa den kon pa reparti mi tempu ku mi yu i ala bes logra hasi e otro kosnan ku mi ke hasi.

Dor di laga baby bai opvang, ta duna mi e espasio pa rekarga. Alabes e ta haña otro mucha di su edat i di diferente otro edat, kual ta hasi’e mas sosial i alabes habrí. Ala bes nan ta pone atenshon riba puntonan ku porta ami no ta para ketu riba dje i huntu nos por yuda hasi baby bira un mucha homber fuerte i balente!

7. Kiko pa bo ta e desbentahanan?
Ku mi no ta haña mira kon e ta na opvang ku e otro muchanan. Pa ami e ta mas ferfelu paso mi a plania e situashon otro. Ku mi yu lo tabata na mi opvang kaminda lo mi por a drenta i wak ki e ta hasi. Pero dor di e situashon di COVID, ta hasi difisil pa por drenta den e opvang.

8. Kiko ta un konseho ku lo bo ke duna otro mayornan?
Un siman tin 7 dia i kada dia tin 24 ora. Pero nan ta pasa hopi hopi lihé. Den tur e drukte i rutina buska un momentu pa bo yu. Djis pa bo mir’é smile of tendé hari ta yena bo kurason. No keda figa riba kon pisa e edukashon ta. Deal kun’e i keda kòrda e dushi momentunan. Disfruta di kada unu di e momentunan aki. Paso nan ta pasa bai un bes!!!

Si bo ta den un situashon ku bo mes no a desea, purba na enjoy e partinan positivo di e situashon. Por ehèmpel ami ta purba di kada dia di nobo enjoy e momentunan ku mi ta na kas ku mi baby, paso tin hopi ku ta desea ku nan lo tin e tempu ku ami tin pa nan por pasa ku nan yu.