Interview Mandy

 
Work at home mom Mandy (Ulanda)

(moeder van een zoontje van 3 jaar)

1. Kua ta bo situashon aktual?
Semi Stay-at-home. Paso mi ta traha na kas. I mi yu ta bai 4 dia den siman opvang. (Work at home mom)

2. Kiko tabata e motibu pa bo eskoho?
Lo m’a laga mi mama nan pas op paso mi ta haña e bond entre oma/opa i ñietu hopi bunita i importante. Mi ta haña ku tur mucha tin derechi di forma esei ku nan opa i oma.
Pero opvang zoiezo 4 dia pa siman, paso eta kontribui hopi positivo na un mucha su desaroyo.

3. Kon bo ta eksperensia esaki?
Ami tin hopi bon eksperensia ku opvang. Bo ta mira ku e ta siña hopi kos ku abo komo mayor no a ni pensa riba dj’e. Vooral e desaroyo sosial i kognitivo ta hopi importante. Ora un yu ta bai krèsh tambe bo tin material pa kompará. Ku ‘stiekum’ tambe tur mayor ta uza pa wak si nan yu ta desaroyando na e nivel ku e mester ta. Un opvang ta detekta kosnan mas fasil ku un mayor na kas.

4. Kiko pa bo ta e bentahanan di laga bo yu serka bo na kas?
Si mi lo tabata tin e forsa i salu aworaki ku mi yu tin 3 aña lo ma kit’e 2 dia for di dagopvang i lo m’a mand’e peuterschool. Paso ela kuminsa kansa di opvang. ‘Hij is aan nieuwe uitdaging toe.’ Tur su amigunan mas grandi a bai basisschool kaba i e la keda komo un di esnan mas grandi i esaki e ta eksperensia komo menos leuk. Pero aworaki e ta poko intrankil. Asina mi ripara ku e no ta drumi merdia mi ta pick e up djarason* i bai hasi algu kun’e. Porta gym lès òf algu otro. Esei ta bin ainda.

*Na Ulanda riba djarason muchanan ta kaba skol trempan i tin diferente aktividat pa hasi ku e muchanan.  

5. Kiko pa bo ta e desbentahanan?
Nadelen weet je nooit van tevoren. Ta depende kada mucha kon nan ta ervaar i pasa den e fase di opvang.

6. Kiko ta un konseho ku lo bo ke duna otro mayornan?
Traha un kombinashon bunita di oma’s/opa’s, opvang i quality time ku bo mes yu. Dus tuma sigur 1 dia den siman, pa abo so hasi algu ku bo yu. Aki (Ulanda) riba djarason tin hopi kos di hasi. Aworaki ku corona ta stroba hopi kos. Pero bo tambe por disidi pa hasi di e djarason merdia un dia pa arte (knutsel middag) of kada bula siman laga un amigu/a bin hunga serka dje. Bai biblioteka i lesa buki. Bo por hasi hopi kos ku bo. Si bo hasiele struktura tur kos ta bini bon.

De kuarentaine ami a eksperensi’e hopi bunita ku mi yu. Tur dia nos tabata hasi algu huntu. Di arte te ku gym. Mi tabata kambia mi kas pa mi traha un ‘gym situatie’. I awor mi ta bai traha un album di dj’e. Awor nos ta bai wak kon ta bai sigui ku e situashon i asina por atrobe nos ta bai hasi kosnan leuk riba djarason.

Invertí den bo yu, dun’e atenshon, sufisiente atenshon pero vooral e atenshon sano. Atenshon 1 op 1. No bai busk’e i dump e den speeltuin na Sambil i kere ku esei te kos!

Dun’e atenshon, kombersa kun’e, lesa buki, hunga kun’e. Importante ta tambe pa un mucha por siña hunga su so. Pero esei no ta nifika pròp e ku ko’i hunga i lag’e su so tur ora. Si bo kumpra ko’i hunga p’e.....HUNGA KUN’E TAMBE!!! No tin nada mas bunita i importante pa tuma at least 30 minut di bo dia pa bo sinta abou i hunga ku bo yu. Paga telefon tambe!!!