Interview Tati

Parttime working mom Tati
(moeder van een dochter van 6 maanden)


1. Kua ta bo situashon aktual?
Kombinashon di 50% stay at home mom i 50% serka famia (part-time working mom)

2. Kiko tabata e motibu pa bo eskoho?
Un balansa entre trabou i famia ku ta funshoná pa mi, sufisiente tempu pa pasa ku mi yu i pa kontribuí na sosiedat. Mi yu por "bond" ku su opa, oma's i tantanan.

3. Kon bo ta eksperensia esaki?
Te ku awor hopi positivo. Mi gusta e variashon di kada dia. A tuma mi algun siman despues ku mi a kuminsa traha pa krea e miho balansa, vooral pa kòrda hinka momentunan di ‘ontspanning’ i sosiegu pa mi mes.

Na trabou mi tin un kamber ku mi por husa pa kòlf. Mi mes a traha un papel pa pega na porta ora mi ta bezig, pa nan no kana drenta. 25% di mi oranan di trabou mi mag husa pa kòlf, lokual tin den e lei

4. Kua eskoho òf kombinashon di eskoho pa bo lo ta ideal?
Traha kompletu na kas i ku tur famia ta bin wak e yu pa mi na mi kas mes. E orei lo mi por laga mi yu bebe na pechu tur bia...aworaki kòlfmentu no ta agradabel mas. Pasó e ta eksihí mas tempu di mi. Tur dia mi tin ku laba e pòmp i bòternan i mi tin ku prepará e tas pa sali ku ne, tambe un jùg chikí ku ‘ice packs’ pa tene e lechi friu. Ora yega kas mi tin ku pasa e lechi den saku pa hinka den freezer. Pa mi kòlf e kantidat di lechi ku mi yu ta bebe, ta durá mi sigur 2 biaha mas largu ku ora e mes bebe na pechu. Dor di corona mi por traha mas tantu na kas si, pero ahinda mi mester bai kantoor ku regularidat.

Òf krea un krèsh na nos kantor mes, esaki lo ta mas ideal ahinda.

5. Kiko pa bo ta e bentahanan di ta na kas ku bo yu i laga bo yu serka famia/konosi?
Mi no ta pèrdè hopi kos di mi yu su desaroyo i mi tin tempu tambe pa “challenge mi brain" i husa mi abilidatnan na trabou. Banda di esei, mi yu por "bond" ku otro famia. I mi no ta saka sèn na paga krèsh.

6. Kiko pa bo ta e desbentahanan?
Mi yu no ta bezig ta sosialisá ku otro mucha di su edat. E ta ku adulto so kasi. I tin bia mi ta pensa ku na un krèsh e lo siña kos nobo mas lihé/fasil komo ku tin otro mucha ku e por kopia di dj’e i tin profeshonalnan ku sa kon pa stimulé optimal.

7. Kiko ta un konseho ku lo bo ke duna otro mayornan?
Skohe lokual abo ta komodó ku ne i lokual ta posibel den bo situashon. Maske bo tin ku traha fulltime, purba sigui duna lechi di pechu pa sigur 6 luna i si por mas largu (bo tin e derechi aki di lei pa kòlf of bai serka bo yu pa dun’é pechu). Pasa wak krèsh i hasi bo preguntanan pa selektá e miho krèsh pa bo yu. No sinti bo mes malu si bo ta traha fulltime, e momentunan di mainta i anochi tambe ta tempu di kalidat ku bo yu, maske ta momentunan kòrtiku. Disfrutá di kada momentu, pasó nan ta bira grandi lihé

Reacties

Een reactie posten

Populaire posts van deze blog

Regreso pa skol

Afbeelding
Un aña eskolar nobo ta bai kuminsá. Ma yornan i muchanan ta hasi e preparashonnan nesesario pa kuminsá skol. Mayor inklui e yu den e proseso, pa esaki bira di dj'é i lo yudé pa e por kuida e material mas mihó. Aki algun teps pa yuda ku e preparashonnan aki. 2 siman promé Pasa dor di e pañanan i material di e aña anterior pa wak kiko tur por usa atrobe. Ta yuda tene e kostonan abou i ta siña e yu e balor di material/balorá su material di skol.  Traha un lista kiko tur mester kumpra pa e aña eskolar nobo (unifòrm, mea, faha, kèts, material pa skol (lista di skol, etui, schrift, pen, kleurpotloden, stiften, gum, agenda,) Tira bista unda tin baratio pa yuda bo tene e kostonan abou.  Plania ki dia ta bai kumpra material i paña pa e aña eskolar nobo. Dor di plania esaki por bai na e luganan dirigí, kual ta yuda bo spar tempu i hasi e kompras mas efektivo. Sali trempan, teniendo kuenta ku  ta bira kalor durante dia. Repartí e luganan pa bai den un par di dia, asina ku e trepn...
Meer lezen

Interview Shanty

Afbeelding
Work at home mom Shanty (moeder van een zoontje van 8 maanden) 1. Kua ta bo situashon aktual? Mi ta un stay at home full time working mom na e momentunan aki. (work at home mom) 2. Kiko tbt e motibu pa bo eskoho? Na final di mi maternity leave, nos tabata den e situashon di Covid, kaminda a stimula trahamentu for di kas mas tantu posibel. Mi a tuma e oportunidat aki ku man hanchu habri, pa mi por pasa mas tempu ku mi baby i tambe eksperensia su kresementu. Nos ta den mesun situashon ahinda i lo mi no skohe otro 3. Kon bo ta eksperensia esaki? Mi tin un bon eksperensia ku esaki. Tabata importante p’ami pa komunika ku mi trabou ku mi mes ta kuida mi baby dus tin algun dia ku mi werkurennan ta mas fleksibel. Den momentunan ku e baby mester di atenshon i ami tin di focus pa kaba mi trabounan, mi mama ta willing pa duna un man i asisti mi ku e baby. 4. Kua eskoho of kombinashon di eskoho pabo lo ta ideal?  Ideal pa aworaki ta e situashon manera e ta na momentunan aki. Den futuro nos...
Meer lezen

Interview Deborah

Afbeelding
Full time working mom Deborah (moeder van 3 dochters 10, 7 en 5 jaar) 1. Kua ta bo situashon aktual? Kids ta bai opvang. 2. Kiko tbt e motibu pa bo eskoho? Rekomendashonnaan di otro mamanan of konosínan. 3. For di kuantu luna e ta bai esaki? Nan a kuminsa bai e opvang aktual, resién. Pero for di baby (esun mas grandi ku 1 aña, e di dos i e último ku 4 luna) nan a kuminsa bai opvang. 4. Kon bo ta eksperensia esaki? E eksperiensia ta bon. Tin opvang mas mihó ku otro. Pero en general bon. 5. Kua eskoho of kombinashon di eskoho pabo lo ta ideal? Mi eskoho lo keda opvang. Komo mayor bo por stèns riba e opvang. Vooral si por komunika ku nan via di app por ehèmpel. 6. Kiko pa bo ta e bentahanan di laga bo yu bai opvang? Bo por stèns, 99%, riba nan sevisio. Nan ta konsistente 99%. Si tin algu, nan ta laga sa mesora. Huiswerkbegeleiding! Esaki ta algu ku ta kita hopi peso for di nos (komo mayor) su schouder! 7. Kiko pa bo ta e desbentahanan? Atardi ora di buska e muchanan, nan no ke ba...
Meer lezen