Interview Qully

Full-time working mom Qully

(mama di un yu muhé di 5 aña)

1. Kua ta bo situashon aktual?
Mi ta traha anto ora mi kaba traha ku mi yu ta na kas mi tin e na kas. Pero si mi tin ku sali su tata sa wak e i si su tata no por, su opa of su tantenan por wak e pa mi. 

2. Kiko tbt e motibu pa bo eskoho?
Motibu pa lag’e na kas, paso mi amiga su ‘opvang’ a sera pa motibu di COVID-19, anto mi no ta konfia otro hende fasil ku mi yu.

3. For di kuantu luna e ta bai esaki?
E la bai fo’i beibi, ku 4 luna e kuminsá bai krèsh. 

4. Kon bo ta eksperensia esaki?
Mi yu a bai dos diferente skol, e promé skol no tabata na mi smak, despues e la bai e otro skol. Esei tabata hopi bon. Lamentemente e la sera i nos no por sigui disfruta di e servisio.

Kon mi ta eksperensia mi edukashon siendo mi mes ta un edukador? E ta difisil i fasil. Paso komo un yu semper yùfrou sa mihó ku ami komo mama. Paso ni maske mi bis’e kon e kos ta, e ta bai puntra su yùfrou tòg. Pues pa ami komo mama e ta un ‘struggle’ duru.

5. Kua eskoho of kombinashon di eskoho pa bo lo ta ideal?
Lo mi preferá un opvang, paso e orei mi tin e espasio pa hasi kosnan ku mi tin ku regla sin ku mi mester regla un hende pa wak mi yu. 

6. Kiko pa bo ta e bentahanan di laga bo yu serka famia/konosi?
E bentaha, den mi kaso, mi sa ken tin mi yu. Bo sa ku e ta den bon man. Paso tin bia muchanan por pasa den kos na opvang. Kosnan horibel. Pero si ta serka famia, bo sa ku e ta un tiki mas sigur. 

7. Kiko pa bo ta e desbentahanan?
Tempu ku e tabata bai opvang, mi tabata tin e espasio pa mi hasi kosnan sin ku e tei. Awor si mi tin ku hasi algu òf bai un kaminda ku e no por bai ku mi, mi tin ku regla un 'oppas'. Tempu ku e tabata bai opvang esei tabata un tiki mas ‘handig’. 

8. Kiko ta un konseho ku lo bo ke duna otro mayornan?
Skucha bo yu, paso tin bia nos yunan ta duna nos señal kon kos ta bai. Ku kosnan no ta bayendo bon, pero nos ta kere ta térkedat ku ta e mucha no tin gana pero tin biaha ta señalnan e ta manda.